Deep Tu Ab Roshan Ho…

Deep Tu Ab Roshan Ho,
GhanGhor Andhere Ya ,
Jangal Sa Bihad Maan Ho ,
Deep Tu Ab Roshan Ho

Intejaar Nahi Ab Ker ,
Kirano Ke So Jaane Ka ,
Maana Wakt Nahi Ye ,
Suraj Ke Kho Jane Ka .

Dar Mat Ab Tu ,
Ab Bas Tu Ujjawal Ho Jaa ,
Ab To Tu ,
NeelGagan Sa Nishchal Ho Jaa .

Jal Jal Kar ,
Kirano Ka Nav Jaal Bnaale ,
Kan Kan Ko ,
Nav Suraj Ka Ehsaas Karaade ,

Deep Tu Ab Roshan Ho
GhanGhor Andhere Ya ,
Jangal Sa Bihad Man Ho ,
Deep Tu Ab Roshan Ho

Kanha Bharaa Vish Chandan Main ,
Saang Sarpo Ke Reh Ker ,
Mahek Uthe Ye Van Andhiyara ,
Kuch Chandan Sa Kar .

Fir Khil Uthen ,
Saayon Ke Phool ,
Deep Tu Ab ,
Kirano Ka Nav Gulshan Ho ,

Deep Tu Ab Roshan Ho
GhanGhor Adhere Ya ,
Jangal Sa Bihad Man Ho ,
Deep Tu Ab Roshan Ho

Koun Hai Kehta ,
Thoker Lagne Per HI Sambhlo ,
Andhiyara Hone Se Per Hi Ujjwal Ho ,
Andhiyara Hone Se Phele .

Deep Tu Ab Roshan Ho
GhanGhor Andhere Ya ,
Jangal Sa Bihad Man Ho ,
Deep Tu Ab Roshan Ho

De Dilasa Tapte Suraj Ko ,
De Dilasa Darte Man Ko ,
Nav Roshni Ki Tulika Se ,
Har Rang Ko Nav Jivan De ,

Tut Chuka Hai Gar Koi ,
Jivan Jine Ka, Nav Dhang De ,
Khatm Tera Vishraam Ho ,
Shuru Tera Ab Kam Ho .

Deep Tu Ab Roshan Ho
Deep Tu Ab Roshan Ho

Deep Tu Ab Roshan Ho
GhanGhor Andhere Ya ,
Jangal Sa Bihad Man Ho ,
Deep Tu Ab Roshan Ho

Ye Shehar Mera….

Ye Shehar Mera Dhoop Sa Rang Badalta Hi Rahaa .
Kabhi Khul Ke Milte The Log Yanha ,
Ab Magar Khud Se Milne Ka Bhi Wakt Kanha .

Ye Shehar Mera Dhoop Sa Rang Badalta Hi Rahaa .
Kabhi Bejubaan Pathar Bhi Baat Kerte The ,
Ab Magar Dost Bhi Ajnabi Lagte Hai .

Ye Shehar Mera Dhoop Sa Rang Badalta Hi Rahaa .
Kabhi Khila Kerta Tha Ye Bachpan Ki Tarnah ,
Ab Magar Bikhar Gayaa Hai Darpan Ki Taranh ,

Ye Shehar Mera Dhoop Sa Rang Badalta Hi Rahaa .
Kabhi Bahaaron Ka Aashiyan Hua Karta Tha Ye ,
Ab Magar Patjhad Ke Peid Sa Lagta Hai Ye ,

Ye Shehar Mera Dhoop Sa Rang Badalta Hi Rahaa .
Kabhi Saath Rehte The Sab , Akela Naa Tha Koi ,
Ab Magar Gaye Wakt Sa Louta Hi Nahi Koi ,

Ye Shehar Mera Dhoop Sa Rang Badalta Hi Rahaa .
Kabhi Hota Tha , Jo Hota Tha Kabhi ,
Ab Magar Ise Ek Nayaa Rang Denaa Hai .

Ye Shehar Mera Dhoop Sa Rang Badalta Hi Rahaa .
Aasma Bhi Wahi Hai ,Hawaa Ka Dhangh Bhi Wahi Hai ,
Badalna Hai To Bas Shehar Ke Bashidon Ko ,

Ye Shehar Mera Dhoop Sa Rang Badalta Hi Rahaa .
Iske Jarron Mein Fir Jindagi Ko Bharana Hai ,
Isko Ek Kal Ke Saath Aaj Dena Hai ,

Ye Shehar Mera Dhoop Sa Rang Badalta Hi Rahaa .
Paya Khoya ,Acha Bura Jesaa Bhi ,
Mera Shehar , Mera Hain Chaahe Ho Jesaa Bhi .

Kuch Panno Ko Chod Ke Ab…..

Kuch Panno Ko Chod Ke Ab Mujhko Likhna Hoga ,
Yakin Hai Mujhko , Tumko Jaa Ke Fir Wapas Aana Hoga ,

Aayega Jab Jaaker Ke Tu ,Aayega Jab Jaaker Ke Tu ,
Kitna Kuch Hoga Jo , Tujhko Mujhse Kehna Hoga .

Likh Dunga Mein Apni Baatein Panno Per Hi Saari ,
Aaker Tujhko Meri Batein Panno Se Hi Padna Hoga .

Tum Bin Jivan , Jaan Bina Kese Bitaa ,
Mujhko Jeena Aur Tumko Sirf Sunna Hoga .

Saath Rahe Barason Ham , Ab Door Bhi Rahaa Kar Dekhe ,
Doori Se Rishta Ye , Gehra Aur Gehra Hoga ,

Chute Hue Panno Ki Baatein Paas Tumhare Jaa Beithi Hai ,
Aate Mein Le Aana , Panno Pe Fir Likhna Hoga ,

Maan Vijay Kerne Chala….

Ho Chuka Hona Tha Jo Bhi , Ho Chuka ,
Mil Chuka Milna Tha Jo Bhi , Mil Chuka ,
Harta Hi Rahaa main , Aab Magar ,
Maan Vijay Karne Chala .

Wakt Ki Thoker Lagi Hai ,
Rahaa Gayaa Piche Bahut Mein ,
Thak Gayaa Mein Bhi Bahut Per ,
Wakt Ke Sang Mein Bhi Chala ,
Maan Vijay Karne Chala .

Pehchanana Mushkil Hain ,
Kya Sahi Aur Kya Galat ,
Path Nayaa ,Saathi Naye , Main Wohi Par ,
Haan Chupaa Ke Khud Ko Khud Main ,
Haan Daaba Ke Khud Ko Main ,
Dastur-e-Janha Ke Sang Chala .
Maan Vijay Kerne Chala .

Ud Rahaa Hai Tufaan Maan Main ,
Hun Abhi MajhDhaar Main ,
Fir Kinaare Ko Chala ,
Maan Vijay Kerne Chala .

Bhul Beitha Apna Sapna ,
Bhul Beitha Apna Sab Kuch ,
Apne Liye Mein Kuch Nahi ,
Apno Ke Liye Kuch Kerne Chala .
Maan Vijay Kerne Chala .

Dekh Ker Dang Hun ,
Tute Phoolon Ka Kuch Astitav Hi Nahi ,
Tut Ker Patti Bhi Mitti Mein Mile ,
Daar Gayaa Mein Dekh Ker Anant Inka ,
Ab Magar Mein Shaakh Banne Chala ,
Maan Vijay Karne Chalaa .

Kya Kahun Kisse Kahun ,
Koun Samjhega Mujhe ,
Har Kisi Ki Uljhane Hai ,
Har Kisi Ki Jindagi Hai ,
Sabko Apni Hi Padi Hai ,
Mein Bhi Kuch Apni Kerne Chala ,
Maan Vijay Kerne Chala .

Lenge Naa Tera Naam……….

Jab Dastaan Ham Kehnge, Kernge Tera Jiker Bhi Ham ,
Mager Naa Fiker Ker Tu, Lenge Naa Tera Naam Tak Ham…

Sunte Rahe Sabki Dil Ki Dastaan Ham .
Kehna Sake Aapna Haal-e-Dil Ham …

Aapne Sabhi Ajnabi Lage , Jo Kanhi Rah Me Mile ,
Abhi Ghar Se Chale The Do Hi Kadam Ham ….

Kyu Wakt BeRukhi Se Kataa , Jab Baat Her Kisi Se Ki .
Rehte Hain Khoob Khush Jab Milte Hai Khud Se Ham…….

Shehron Me To Her Kisi Ki Kehaani Hai Ek Si .
Nayi Jindagi Jeene Chalr Gaanvon Ki Taraf Ham…..

Jindagi Ek Din Me Simat Gayi Ese.
Suraj Ke Saamane Jalte Rahe Ban Ke “Deep” Ham

hemjyotsana.wordpress.com
hemjyo.wordpress.com

लम्हें जिन्दगी के

लम्हें जिन्दगी के